洛基客 Rockyhard - 我的野蠻顧客龍虎榜
| 2/6/2009 |
好在老編格外開恩，終於比小弟我手寫我口，除粗口如「狗嗡」D另類發音外，廣東口語、俗語、潮語、網語都用得，立即覺得天空海闊，任我飛翔，自由哂! |
| 3/6/2009 |
野蠻女友，後生仔緊有番件，唔係又點可以同巴打吹水，但係有關佢地嘅私隱，公開講唔通未死過，不如講野蠻顧客吐吓苦水，由於公司老闆錢有幾多就唔知，性格就大把，向來唔 buy 顧客永遠是對的果一套，話一次斷尾好過餐餐比人屈機，又蝕錢又勞氣，留番啖氣同D時間服侍好D好客戶仲實際，仲可以保留番DD尊嚴同埋專業形象，又幾啱聽，唔怪D同事人工咁（奀）都做咁耐。
|
| 3/6/2009 |
講番野蠻顧客龍虎榜，全部排名唔分先後，話明有時唔係我經手，只係耳聞目見，有時仲係客戶報料，但可信性都有番咁上下先至講，呢D客幫趁細眉細眼但超麻煩，大老們D網誌都費事講。 |
野蠻顧客龍虎榜3 - 世界至叨打雜阿叔
8/12/2009
前輩話過，無知可怕，無知又自以為是 ge 人特別可怕，自以為是就好容易做埋D害人又害己既事，上次講果個大鬧建材鋪 ge 女大學生趙x x ，結果做左人辨，成為今年度網上最熱爆人物，點知話口未完，又一個帶住兩個細路ge 媽咪，竟然為左五蚊咁大把，唔肯比BB車既行李費，仲以為自己啱哂，影住人黎鬧仲擺埋上網，點知又係自暴其醜，唔啱其實係自已， 原來 BB車無BB就要當行李，比網民篤爆鬧番轉頭，好在認錯認得快，網民先至停火，無之前個個搞到咁大頭。
其 實做服務性行業見盡唔少呢D人，聽老細講，試過有一男一女0黎幫趁做小小0野，麻煩唔在講，欏貨從來唔帶單，仲問點解唔認得佢，話從來都唔慣帶單欏貨咁 講，佢唔知當自己係邊個，如果個個入0黎指住自己個鼻個伙記就信佢比貨佢，咁你做老細咪要多得佢晤少，就算老細自已都晤會咁做，因為一時好心就好易中招， 之前曾經有一班老千就利用無單攞貨玩老屈，擺低的懶個人ge物品做小小嘢，例如擺低張陳年0既相做相架，然 後搵個阿嬸或者阿婆黎攞貨，又話唔見單又話晤記得擺邊，呃左貨後再成隊反清復明既英雄豪傑操0黎門口帶番張單番0黎同你講賠償，好多服務業行家中過招，一 面阿劉德華先生又話要順客人意，一面又要應付呢的老千，你話可以點，搞到初時麻煩果D 真係唔見單ge 客去警局報失先至攞貨，一方面等班老千知難而退，又比警方知道佢地手法同埋幾咁猖狂。點知跟住連果的有牌既專業人士，都利用同樣手法呃做版權貨品或者用單 據加假貨做證據玩侵權索償，所以無憑無據攞貨就更加唔駛旨意。
老
細同佢地的老友顧問成曰提醒我地，話貨單係合約同票據，所以要跟合約同票據ge程序處理，講到咁嚴重，都係世界上有的無品ge人做成，而家門市要客0係單
度簽名確認，等佢地唔見單可以憑簽名攞貨已經好合理好方便，就算唔得閒親身0黎都可以憑簽名授權書授權比第個攞貨。機構客有公章式樣既都一樣無問題，但係
仲有人可以無理取鬧，就好似前面兩個港女咁無知仲大聲夾惡。
老 細剛剛將事件重溫，比我地睇段保安電視錄影片，一個阿叔拎住張票過0黎話攞貨，可能佢覺得佢自己出名過劉華或者個數好大，無單0係手，張票又無單 number，唔係跟開果個同事點搵，當值同事唯有電聯接單0既同事，聽到話個客收到貨單先至出到票，唔應該無單，不過因為係機構支票，銀碼又相符，算係 可以確認身份，而且有閉路電視做紀錄，就免單交貨來人算了，但叫佢Check貨又唔識，剩係話的貨係同機構內其中一個部門做既，但成批貨既內容剩係英文， 偏偏無佢講果個部門ge 中文名，搞到唔知啱唔啱，又要再電聯負責同事問清楚，搞咁耐呢個阿叔由頭到尾0係度鬧咁耐，仲掉番轉頭話人唔識嘢，又話乜嘢全世界都係一手交錢一手交貨就 得，差的睇到我地以為唔通佢真係好有料，去過哂全世界考察過咁巴閉，個同事初初都仲忍佢，想解釋比佢知呢D係 訂做貨，依會計程序要憑單取貨，點知講來講去佢原來連發票同收據都分唔開，唯有叫佢番去問會計，點知佢仲發惡鬧多兩錢重，個同事話佢一路行仲一路鬧，又同 外面D管理員講話個同事唔識嘢，終於火起出去叫佢收聲走人，跟手打電話去個客度話比佢地聽個阿叔無單仲鬧人，提醒佢地下次帶單或寫低單number 免吵，對方一聽就知佢有問題，話雜役粗人係咁，鬼咁唔好意思。
呢個世界就係有的咁ge既無知仲夠膽話人唔識嘢ge人，聲大夾無準，反而D識0嘢ge人仲謙虛D，人地果D大學教授同講師0黎到，唔同同事講起D高深話題都唔知佢地quali 高，所以成日果D公司或者機構客戶最惡果個就係最低級果個，咁講唔係職位歧視，係提醒好似我讀書少ge 要有自知之明，就算係自己專業個瓣都唔敢隨便話人錯，佢咁識嘢做乜咁委屈做打雜，老細們向來唔buy 劉生果套，呢的如果係個人客就叫佢走，公司客就同佢老細講，如果唔改下次唔該第個0黎，我地講ge係公平交易，無搵你老襯做乜要受你氣，跟劉生果套搞到個世界有錢買嘢就大哂咁，呢的風氣做到員工谷氣老闆唔放心個社會唔和諧仲變成市儈到有錢無真理，呢Ｄ係退步唔係進步。
