http://blog.um-gallery.net 

好在老編格外開恩，終於比小弟我手寫我口，除粗口如「狗嗡」D另類發音外，廣東口語、俗語、潮語、網語都用 得，立即覺得天空海闊，任我飛翔，自由哂!

野蠻女友，後生仔緊有番件，唔係又點可以同巴打吹水，但係有關佢地嘅私隱，公開講唔通未死過，不如講野蠻顧 客吐吓苦水，由於公司老闆錢有幾多就唔知，性格就大把，向來唔 buy 顧客永遠是對的果一套，話一次斷尾好過餐餐比人屈機，又蝕錢又勞氣，留番啖氣同D時間服侍好D好客戶仲實際，仲可以保留番DD尊嚴同埋專業形象，又幾啱 聽，唔怪D同事人工咁（奀）都做咁耐。

講番野蠻顧客龍虎榜，全部排名唔分先後，話明有時唔係我經手，只係耳聞目見，有時仲係客戶報料，但可信性都 有番咁上下先至講，呢D客幫趁細眉細眼但超麻煩，大老們D網誌都費事講。

講講吓又覺得對啲廣大嘅客戶好唔公平,野蠻客戶千中無 一,咁多年來兩隻手數晒,齋講佢地唔表揚翻啲好客戶又點對得佢地住,所以決定隻「孻」隻, 講完一個野蠻人,就講番個窩心顧客,一來公平啲,二來平衡吓自己嘅心態。