Site Network: um_bloggers | imagebank | videoworks | essence | business home

Welcome to the official blog of Uncle Ming's Gallery

I have always been among those who believed that the greatest freedom of speech was the greatest safety, because if a man is a fool the best thing to do is to encourage him to advertise the fact by speaking. (我以為讓愚蠢的人自暴其醜, 正是最大之言論自由所以是最安全的主因)

WOODROW WILSON (編輯組譯)


洛基客 Rockyhard -我的野蠻顧客龍虎榜



好在老編格外開恩,終於比小弟我手寫我口,除粗口如「狗嗡」D另類發音外,廣東口語、俗語、潮語、網語都用得,立即覺得天空海闊,任我飛翔,自由哂!

3/6/2009

野蠻女友,後生仔緊有番件,唔係又點可以同巴打吹水,但係有關佢地嘅私隱,公開講唔通未死過,不如講野蠻顧客吐吓苦水,由於公司老闆錢有幾多就唔知,性格就大把,向來唔 buy 顧客永遠是對的果一套,話一次斷尾好過餐餐比人屈機,又蝕錢又勞氣,留番啖氣同D時間服侍好D好客戶仲實際,仲可以保留番DD尊嚴同埋專業形象,又幾啱聽,唔怪D同事人工咁(奀)都做咁耐。


3/6/2009

講番野蠻顧客龍虎榜,全部排名唔分先後,話明有時唔係我經手,只係耳聞目見,有時仲係客戶報料,但可信性都有番咁上下先至講,呢D客幫趁細眉細眼但超麻煩,大老們D網誌都費事講。

我的野蠻顧客龍虎榜2 - 無法無天大學生


26/9/2009

呢排綱上最既熱話題就緊係港女大學生大鬧「聯X行」啦,幾日前有巴打絲打不約而同E左條Link過黎,話有D似我講個D野蠻顧客喎,睇落又真係有得揮,自己無乜道理仲上載到youtube,唔抵得咁既行為又戥果個short (shop?) manager 唔抵,點知話口未完,D網民排山倒海咁聲討上載既果位港女大學生,害人終害己。

拿!呢D咪太過自我中心既後果囉,我地早就話左劉德華先生拍果套宣傳片有問題,唔合理既要求,就 算係大把錢,亦唔應該就佢,呢D先至係專業精神,咁樣D顧客先至會文明—D,怪唔知得有D外地人笑香港人見錢眼開無腰骨,多少都係多得劉先生果套短片,睇下人地新加坡賣肉骨茶既老闆拒絕我地特首果單畸屎,就知咩野叫尊嚴同埋不亢不悲啦;前幾年用誘騙迫人犯罪手法放蛇告人侵犯版權勒索賠償果班有牌老千,咪又係大學生,佢地斑伙記就成日將劉先生果句說話背到爛熟過煲完老火湯既豬肉。

唔知而家D人係未以為有錢大哂之外,仲以為識得玩野就可以打橫黎行,特別係讀過下書果D,試過大學讀「囉」既高班生竟然話可以大大聲話可以唔認以前落單個同學講野(香港有三間大學有「口羅」讀),咁無法無天,如果老闆佢地鍾意爆大鍋,唔係係佢D同學出黎承認責任就算數,將D電話錄音寄去佢系主任度甚至公開,問下佢地有無教口頭協議算唔算數呢樣野,呢個港女大學生,早又成為另一個人辨。

蝦人唔識野搏大霧,仲衰過唔識野所以野蠻果D人,遇著我地讀書少,隨時俾佢的名詞同英文浸死,無得還拖,得個嬲字,社會又點和諧,都係老闆們教落果岩,做生意唔好呃人亦要唔好俾人


小傳 Biography

原自稱石堅或石咁堅,老編以為前者怠慢前輩甚至侵權, 後者過於粗鄙,故恃老賣老,強改名為洛基客,謂聞之如見洛基山之雄偉堅拔,亦具諧音之趣,故屈小輩從之.洛基客屬香港瀕臨絕穜稀有受保護生物之大好青年, 除偶然打機作樂外,並無嫖賭飲盪吹以至濫藥等不良嗜好,實為異性(絕非斷背同性)夢寐以求對像,但身為其女友則大可放心,大好青年自亦用情專一,所謂有德 始有人,有人始有土,有土始有財,有財始有用,德者本也,財者末也,德潤身,庶幾近矣,富潤屋,則仍路逶迤而修長,須上下而求索, 能發憤圖強,終身學習,前途無

tropical breeze